2. flokkur - Myndir úr leikjum
Eftir að meistaraflokkur karla var nýbúið að vinna Gróttu á Nesinu í seinustu viku gerðu drengirnir í 2. flokki hið sama í kvöld.
Um er að ræða leik á Íslandsmótinu í lotu tvö en okkar menn unnu leikinn 5-2.
Kristján Daði skoraði en það hefur verið svo gaman að sjá hann aftur á vellinum eftir löng og erfið meiðsli. Sýnir bara hvurslags karakter hann er.
2008 módelið Atli Auttaphon kom inn á í seinni hálfleik og skoraði seinustu tvö mörk leiksins, maður leiksins!
ÁFRAM ÍR!
ÍR og Breiðablik gerðu 3-3 jafntefli í fyrsta leik í lotu 2 á Íslandsmótinu.
Nokkrar myndir úr leiknum. Skaust einungis seinustu 20-30 mínúturnar fyrir aftan mark Breiðabliks.
Joey Mike klárlega maður leiksins. Kemur inn á í hálfleik þegar liðið er 2-0 undir og clutchar big time.
En shoutout á Krisjtán Ólafs sem átti líka góðan leik upp á topp.
ÁFRAM ÍR!
ÍR og Fjölnir mættust í fyrstu umferð bikarsins á Gudi Park. Fyrir stuttu vann ÍR Fjölnisliðið með þremur mörkum gegn einu.
Í þetta sinn unnu Fjölnismenn 4-0 sigur. En leikurinn var í járnum fram að lokamínútunum þegar Fjölnismenn settu í gír og bættu við nokkrum mörkum.
En eins og þeir segja, markatalan skiptir engu í bikarnum.
ÁFRAM ÍR!
Í lokaumferð A deildar, fyrstu lotu, var allt undir hjá 2. flokknum. Til þess að eiga möguleika að halda sér uppi þurfti ÍR að sigra gott Selfosslið og treysta á hagstæð úrslit í tveimur öðrum leikjum
Til þess að gera langa sögu stutta vann Selfoss 4-1 sigur. Leikurinn var að sjálfsögðu spilaður á Gudi Park í Breiðholtinu.
Fallegur vordagur þrátt fyrir ekkert mjög góðan leik.
ÁFRAM ÍR!
Geggjaður leikur að baki í Grafarvoginum þegar við sóttum okkar fyrstu þrjú stig á Íslandsmótinu.
Það stefndi allt í að við værum að fara að taka eitt stig heim í 109. Þegar það eru 10 mínútur eftir af leiknum koma Kristján Ólafs, Jóhann Mikael og Birgir Óliver inn á. En þær skiptingar breyta leiknum algjörlega fyrir ÍR.
Vidusha kláraði þrennuna með því að setja tvö mörk á 90. mínútu. Kristján Ólafs og Jóhann Mikael með geggjaða innkomu í sóknarleikinn sem hjálpaði Vidusha helling eins og sjá má.
Kristján Ólafs var ekkert eðlilega sáttur með þriðja mark Vidusha eins og sjá má hér til hliðar. Smelltu á myndina!
ÍR/Léttir fengu Fram/Úlfarnir í heimsókn. Um er að ræða hefðbundinn leik á Íslandsmótinu. B deild lota 1 á Gudi Park.
ÍR og Fram saman í deild í 2. flokki. En þess má einnig geta að Léttir og Úlfarnir sem eru venslalið félaganna eru saman í riðli í 5. deildinni. Riðill sem verður spennandi að fylgjast með í sumar.
Því miður var það annað tap í dag en við lítum á björtu hliðarnar og segjum áfram gakk!
ÁFRAM ÍR!
Mjög pirrandi leikur að baki í Kórnum gegn HK í mjög mikilvægum leik.
Fyrstu mínúturnar voru vægast sagt áhugaverðar en HK tók forystuna snemma leiks. Á þriggja mínútna kafla skoruðum við tvö mörk og tókum forystuna, 2-1. Róbert Elís og Lewandowski með mörkin.
Seinni hálfleikurinn var alls ekki góður og við fengum tvö óþarfa mörk á okkur sem kláraði leikinn fyrir HK. Sóknarleikurinn var alls ekki eins góður í seinni hálfleiknum og í þeim fyrri.
Maður myndanna hér er Lewandowski. Ástríða sem sést svo sannarlega í myndunum. Magnaður maður.